Sakineh Mohammady Astiany (Foto: AP)

TEHERAN – Iran hat it stiennigjen fan Sakineh Mohammady Astiany foarearst opkeard. It frommeske is feroardiele foar oerhoer en moard. Dat wurdt yn Iran bestraft troch ien mei stiennen dea te smiten.

Neffens de autoriteiten hat frou Astiany skuld bekend. It is lykwols net wis oft hja wol wit wat har frege is. Frou Astiany heart by de Turksktalige minderheid yn Iran en ferstiet amper Perzysk. Fan it proses hat hja dêrtroch net folle begrepen.

De gong fan saken hat oer de hiele wrâld protesten oproppen. It is net bekend wat no mei frou Astiany barre sil.

Hauer, erelid fan de organisaasje, sil syn gasten tidens ‘A Night for the Oceans’ tasprekke, lykas de oprjochter fan Sea Shepherd Paul Watson dwaan sil. Dée en Kooymans jouwe tegearre in optreden. Kooymans hat earder tegearre mei de Amerikaanske artyst Frank Carillo in plaatsje opnaam foar Sea Shepherd. Kaarten foar it barren yn Amsterdam op 12 septimber kosje € 100 it stik. De Nationale Postcodeloterij stipet it evenemint.

De boaten fan Sea Shepherd binne de lêste moannen faak yn botsing west mei Japanske walfiskfarders. Yn 2008 soenen trije Japânske walfiskjeiers ferwûne rekke wêze doet leden fan Sea Shepherd stjonkend soer op har boat smieten.

Letter waard by in botsing it boechbyld fan Sea Shepherd, it moderne skip Ady Gil, fernield. Watson wurdt ynternasjonaal socht.

De boaten binne benammen dwaande yn de wetters rûnom Japan. Dit lân makket noch altiten jacht op mei útstjerren bedrige walfisken. Self seit men dat it giet om wittenskippelik ûndersyk, mar neffens protte kritisy wurde de bisten allinne fongen om op iten te wurden.

Twa boaten fan Sea Shepherd farre ûnder de flage fan Nederlân. Dit is demisjonair minister Camiel Eurlings (CDA) min nei it sin, hy wol mear mooglikheden on de boaten de Nederlânske flage ôf te nimmen.

De ploech fleach no tiisdeitejûn om seis oere fan Skiphol nei Alicante en dêrwei is it noch 350 km mei de bus nei Valencia. Se komme nei gedachten om tolve oere nachts oan.

De Belgyske en Frânske keatsers hawwe ek te lijen fan ‘e staking by de Frânske loftferkearslieding.

(Boarne: Omrop Fryslân)

UPDATE: Yn ferbân mei de fleanstakings binne de wedstriden fan it Nederlânske tiim foar hjoed oergien. De Nederlanners spylje no moarnier harren earste wedstryd.

Webster en Laland hawwe de toarnderkes wiidweidich en yngeand bestudearre. De fiskjes binne almeast freonlik, selsskipsswiet en goed fan oannimmen. Se wikselje wakker ynformaasje út oer bygelyks goede plakken om fretten te finen.

Hommels en dwers

Mar as de mantsjefisk sin kriget om te pearjen, dan wurdt it hommels en dwers oars. Hy harket net mear nei de ynformaasje fan oare fisken en giet lykme-allinnich op jacht. Opfallend is dat dat ek nochris in soad fertuten docht.

De wyfkes dogge it krektoarsom as se oan it ridzjen ta binne. Hja nimme yn dy tiid kritykleas ynformaasje fan oare fisken oan en bliuwe altyd ticht by de iezem. Nei alle gedachten meitsje de aikes it wyfke yn sokke tiden kwetsberder foar rôfbisten en nimt se dêrom de beskerming fan de groep foar kar.

Slim ienselvich troch hormoanen

De mantsjes moatte lykwols yn dy tiid fretten garje om har neiteam skielk yn libben hâlde te kinnen. Laland seit: “It oernimmen fan ynformaasje fan oaren is in feilige en maklike manier om fretten te finen, mar ynformaasje dy’t men sels fûn hat, is altyd betrouberder. De hormonale feroarings dy’t meitsje dat it mantsje ridzje wol, soargje der faaks foar dat er slim ienselvich wurdt.”

“Wy kenne allegear it stereotype byld fan manlju dy’t it ferpoffe en freegje it paad,” heakket Webster deroan ta. “Dat kin ek foar fisken opgean, mar dan inkeld as se har derop klearmeitsje om jongen oan te setten.”

It moat in gesellige jûn wurde, mar de foarlichting sil in wichtich plak krije.

De gemeente Ljouwert hat ferline wike in nije folder oer ôffal ferstjoerd yn it Nederlânsk, Ingelsk en Arabysk, mar net yn it Frysk. Dêr is in soad krityk op kommen. Mooglik binne de stien en de flagge dêr in protest tsjin.

De gemeente hat de stien weromlein yn ‘e dyk. De Fryske flagge hinget no by de belestingamtners oan ‘e muorre.

De Rie fan de Fryske Beweging skreau har in brief mei it fersyk om de poppe yn it Frysk op te fieden. Doutzen sei dat in priveesaak te finen. Se wie woansdei by de opnamen fan in televyzjeprogramma. Dêr sei se dat se no al Frysk tsjin de poppe praat en dat nei de berte ek te dwaan.

(Tekst: Omrop Fryslân)

It Amerikaanske wittenskiplike tydskrift Proceedings of the National Academy of Sciences hat koartlyn in ferslach publisearre fan in ûndersyk dat sjen lit dat jild soms wol lokkiger makket. Nobelpriiswinner Daniel Kahneman en syn kollega Angus Deatun hawwe yn 2008 en 2009 it loksgefoel fan 450 tûzen Amerikanen ûndersocht.

De ûndersikers konkludearje dat mear jild wis wol lokkiger makket. Oant in ynkommen fan sa’n 4900 euro yn ‘e moanne (sa’n 58.600 euro yn it jier). Boppe dat bedrach kin jild minsken net mear safolle skele. Se sille der net folle muoite foar dwaan om noch mear te fertsjinjen en wurde ek net lokkiger as se mear krije.

It kin allegear op ‘e site www.echtscheidingsplan.nl. Dy is ûntwikkele troch de Raad voor de Rechtsbijstand en de universiteit fan Tilburch.

Frankryk is de lêste wiken drok dwaande mei it útsetten fan leden fan it Roma-folk. De maatregel hat nasjonaal en ynternasjonaal in soad opskuor jûn en op ferskate plakken hawwe der demonstraasjes tsjin ‘e útsettingspolityk west.